Útinámið í dag

Í dag er útinám í grunnskóladeild fastur tími í stundatöflu einu sinni í viku, klukkustund í senn. Í þá útinámstíma fara allir nemendur grunnskóladeildar og tveir elstu árgangar í leikskóladeild ásamt hluta þriðja elsta árgangsins. Þessir tímar eru skipulagðir og undirbúnir af útinámsteymi skólans.

Þar sem allir aldurshópar fara út á sama tíma er auðvelt að aldursblanda hópnum eða skipta honum niður á ýmsa vegu allt eftir viðfangsefnum.

Þess utan fara nemendur í grunnskóladeild í útinám í öðrum kennslustundum hjá faggreina- og umsjónarkennurum þegar það á við og hentar viðfangsefni. Sérstaklega haust og vor.

Í  leikskóladeild eru föstudagar oftast helgaðir útinámi og er þá gjarnan farið í skógarferðir, ýmist á skólalóðinni eða í skóginn við tjaldsvæðið sem er skammt frá skólanum.

5. nóvember 2016